發惡夢

尋晚發惡夢, 半夜4點40分醒左, 差4分鐘就死死死XDDD

覺得個夢幾有故事性, 但當下好驚所以無記低, 依家有D唔記得.
快快手寫低仲記得果D.

雖然係第一身視角, 但我Feel到"我"應該唔係我自己, 係一個男性.
應該係放工返屋企hea緊果時, 屋企養兩隻狗其中一隻(中型雜種狗)好尿急.
我諗起佢唔出街就唔會痾尿既習慣, 好唔願意甘起身諗住搵狗帶帶佢出去痾尿.

誰不知當我搵到狗帶, 隻狗已經瀨左尿, 我又諗既然已經瀨左甘唔洗去街痾啦.
但諗起佢可能想會痾屎, 就帶佢出去痾啦.
本身想帶埋另一隻, 但唔知點解怕煩就打算走兩轉.

無出到街既情節, 一跳就跳左去我匿埋俾人追殺既場景.
除左我仲有個細路仔同我一齊俾人追, 我地一齊匿一齊走到最後不得以被"人"追到.
我叫個細路走先, 點知我回頭先發現, shit!!!原來佢先係Boss.

跟住我就嚇醒左, 其實中間有D驚既轉折位, 就好似我唔知點解好信個細路, 所以被佢呃會有D驚訝甘.

都係做個記錄姐~