奇諾之旅係我第一本睇既輕小說, 已經唔記得當年點解會買, 係我到依家都好喜歡既一個系列作品.
內容係講述女主角"奇諾"同識講說話既電單車"漢密斯"一齊去唔同既國家同國家之間流浪既故事.
最新中文版我早排先買仲未睇哂, 但岩岩睇左個幾有感觸既, 輕輕講同埋節錄一下.
是甘的, 今次奇諾同漢密斯去到某國打算入境時, 遇到一班號稱周遊列國去其他國家搵天才兒童既組織. 佢地會用一個儀器去測量果個細路到底係唔係天才, 從而決定要唔要用錢將佢買走.
呢個組織搵天才兒童既行動勾起左奇諾既興趣, 所以決定向國境內逗留果三日會同呢個組織一齊行動.
結果, 呢個組織向境內搵到佢地需要既天才兒童, 並同奇諾一齊離開.
向出境既時候奇諾好直接甘問, 機器係點樣搵到佢地想要既天才兒童, 組織好乾脆甘承認只係一個騙局.
組織因為國家需要而出錢買別國的細路, 佢地會揀d父母無辦法養育或者係受到父母虐待既細路, 對d父母講個細路係天才要買走佢地, 組織可以提供有關既培養係父母都俾唔到既.
用呢個理由買走個細路, 一方面幫自己國家辦事, 另一方面等對方有個比較亮麗籍口去賣仔/女.
奇諾: 所以說那個兒童是不是天才根本就不重要囉?
對方: 奇諾你這說法根本就不成立.
奇諾: ?
對方: 因為每個兒童都是天才啊.
以上對話, 我單憑記憶寫低, 因為本書依家唔向手, 有錯唔出奇但意思沒有錯就係啦.
點解會無啦啦寫奇諾? 因為早幾日果單咩野"射精論", 雖然我無睇果個節目, 只係好片面甘睇左FaceBook既評論.
但當睇到呢個故事, 突然間好有感觸, 其實依家d父母當仔女係乜?
投資工具? 即使係投資工具都好, 佢地有無打從心底甘去欣賞過自己個仔/女?
都唔係話果個阿媽錯哂, 佢用佢既計算去令佢既仔女比其他人有優勢, 其實係好合理.
只係有時候太功利令人覺得太過份甘囉.
沒有留言:
張貼留言