[廢post]春夢!?

其實身邊既朋友都應該知道, 我最近沉迷緊一對3次元CP當中.
早幾日發夢竟然俾我夢見佢地!!!!!係一次呀!!!!!
仲要係一次過兩位都見到~~~(心花怒放~~~

可能係受到其中一位早前生日LIVE發生既事影響, 所以先夢到佢地www
諗返起都開心呀~

夢裡面係陪壽星揀禮物俾另一位, 當中見到佢各種為揀份好禮物而煩惱既表現.
真係超可愛呀!!!!!
如果現實中佢地都係甘sweet就好, 其實我真係幾鍾意睇人地放閃.
但係係百合/bl限定(巴

呢個post真係好廢, 但係想用黎沖淡下d pk mon同私煙, 所以都係打左出黎.

白色雅達

從以前開始打網遊都會用的名字"白色雅達", 那時候應該是跟第二位女朋友分手後的事吧?
在創角色時要改名字, 不知道怎的就想起她用的網名也就是"白色雅達".

絕對沒有如電影或小說中所說, 別人叫起這名字我都會想起她.

只是懶得想別的名字而已, 嘛~
說起來我還真不是個浪漫的人呢~

用了這名字那麼久, 我只是知道出處是五星物語中的角色, 好歹剛剛想起就去google一下.
原來是長這樣子的.

單純的記錄一下.

圖取自網路: http://www.fssun.net/fatima/images/ba_7.gif

甲鐵城的卡巴內利 (不專業的觀後感, 絕對有劇透)

甲鐵城的卡巴內利

連虎頭蛇尾都唔算, 個故事鋪排手法好舊話係80~90年代出品我都信,
唯一我會欣賞既只有作畫同某D戰鬥場面.

本身我見佢完左想由頭到尾睇多次先再寫, 但係我真係提唔起興趣再睇.
所以我既評論完全只憑我追番時既記憶或有錯漏.

睇第一集我已經屌左佢個套"感染理論", 到依家完左都完全無解釋過, 

點解綁條野向頸度係控制能力既方法.

由始至終都無打算去解釋卡巴內點解會出現, 故事結束後人類有咩野方法
去對抗佢地. 個結局竟然係打完中二BOSS就算數?

號稱人類最後要塞俾個中二仔整冧哂, 剩低D人係去投靠其他城定遊牧民族甘過?
定不停向個條鐵路度兜風?
女主角已經唔再係卡巴內利, 都Keep住有卡巴內利甘既身手, 真係好.

好啦, 你話得十二話講唔哂甘多野丫嘛, 甘算.

我其實可以好快甘講, 甲鐵城的卡巴內利既主軸係講一個被老豆出賣既仔,
深謀遠慮去搵老豆一齊攬炒既故事.

男主角既作用係順中二仔意殺左佢本人, 而結果係完成左中二仔既心願,
真係可喜可賀~

發惡夢

尋晚發惡夢, 半夜4點40分醒左, 差4分鐘就死死死XDDD

覺得個夢幾有故事性, 但當下好驚所以無記低, 依家有D唔記得.
快快手寫低仲記得果D.

雖然係第一身視角, 但我Feel到"我"應該唔係我自己, 係一個男性.
應該係放工返屋企hea緊果時, 屋企養兩隻狗其中一隻(中型雜種狗)好尿急.
我諗起佢唔出街就唔會痾尿既習慣, 好唔願意甘起身諗住搵狗帶帶佢出去痾尿.

誰不知當我搵到狗帶, 隻狗已經瀨左尿, 我又諗既然已經瀨左甘唔洗去街痾啦.
但諗起佢可能想會痾屎, 就帶佢出去痾啦.
本身想帶埋另一隻, 但唔知點解怕煩就打算走兩轉.

無出到街既情節, 一跳就跳左去我匿埋俾人追殺既場景.
除左我仲有個細路仔同我一齊俾人追, 我地一齊匿一齊走到最後不得以被"人"追到.
我叫個細路走先, 點知我回頭先發現, shit!!!原來佢先係Boss.

跟住我就嚇醒左, 其實中間有D驚既轉折位, 就好似我唔知點解好信個細路, 所以被佢呃會有D驚訝甘.

都係做個記錄姐~