絕歌：日本神戶連續兒童殺傷事件 - 前少年A
絕歌：日本神戶連續兒童殺傷事件wiki資料https://zh.wikipedia.org/wiki/%E9%85%92%E9%AC%BC%E8%96%94%E8%96%87%E8%81%96%E6%96%97%E4%BA%8B%E4%BB%B6
首先要承認自己係個賤人, 根據未証實消息指前少年A係無將呢本書所得既版稅交俾事件中既遺族. 但係因為我個人既好奇心都係買左黎睇, 只能夠希望傳聞唔係真架啦.
事件始於1997年至今19年, 前少年A已經服刑完畢, 在法理上佢已經償還左佢犯既罪, 但事實上又如何呢?
本書屬於自傳類, 主要分兩大部份,
第一部份
內容係前少年A(以下簡稱A)自述童年成長點滴跟周遭朋友關係之類, 以及佢認為影響佢導致事件發生既潛在遠因, 事發時自己既精神狀態同埋一D有關既想法, 以及被逮捕同判刑之間的事.
本書一直沒有直接寫明但前A既家庭環境應該屬於小康之家. 父母親+3個兒子而前少年A是長子, 算是個很普通的家庭.
向wiki寫到A的母親在學業上有強迫佢既情況. "即使社工已警告她的兒子的精神狀況不穩定，但她還是繼續強迫她的長子在學校要有突出的表現。"
(節錄wiki)
但向書裡面A一直都係好維護家人尤其是父母, 事件發生之後輿論都直指其父母的教育出問題, 尤其是對母親既指控更為嚴重.
而A對呢種指控有以下澄清, 其中一段佢係甘寫. (好長但我認為要成段睇比較好)
"如果把矛頭針對我, 要說什麼我都無所謂, 但我實在受不了把責任推到母親身上. 母親是真的沒有發現我的行為, 也向來重視我、疼愛我. 說什麼我是為了要吸引母親注意或為了要讓母親轉頭看看我, 而犯下罪行, 這種劇情聽起來好像很簡單明瞭, 跟連續劇一樣有趣.
但問題是, 事實並非如此.
大家小時候都會塑造出一個天不知、地不覺, 只有自己才知道的秘密世界, 同一時間活在兩個截然不同的世界裡. 對不尋常的事物感到好奇、對奇怪的東西開始蒐集, 難道大家一頭栽進自己的秘密天地時, 腦袋裡還會想到父母嗎?
當大家沈溺於那個只有自己一個人的絕對封閉、內縮的世界裡, 玩著[自己的遊戲]時, 眼中還看得見四周嗎?
我認為凡事冠上了[事件]之名的, 無論再微小, 都有外人所不能想像的[超私密性]. 在事件當下, 我腦中連閃也沒有閃過母親的臉, 直到我被押到須磨警署做筆錄, 才第一次想起了母親.
因此那事件, 澈澈底底從頭到尾都是我在[超私密]下幹下的犯行, 跟母親一點瓜葛也沒有"
還有一段係向會面時既對話,
"沈默半晌, 我決定跟她說一件我無論如何希望她知道的事.
「媽, 我跟你說, 我病了, 所以我變成這樣不是妳的錯, 也不是任何人的錯, 妳千萬不要自責.」"
佢自己知道自己幾時開始出現偏差, 但從沒有向其他人求助, 例如對外婆死亡既哀傷既處理, 性方面與別人不同既偏差, 一步錯步步錯將自己推落無法翻身既地步.
雖然佢有頗細緻描寫前因後果之間既幾件事, 但殺害淳君的情景卻隻字不提, 反而殺貓那一段因為我不行了關係很快的跳過左.
對於淳君前少年A睇黎係將"外婆毫無條件下接納自己"同淳君既"毫無條件下接納自己"重疊左.
佢殺害淳君的理由並唔係隨機呀恨呀欺負弱小之類, 倒覺得似係想將淳君"私有化".
對比起佢之前傷害/殺死的兩位小女生係有目的地但隨機選擇人選, 但淳君的話有不是淳君不行的感覺, 並不是愛情之類既感情, 淳君應該係心理上代替A外婆死後既位置讓A覺得安心, 所以才會對淳君的頭做出褻瀆行為, 因為A也曾在外婆神壇前自瀆既事.
我係甘理解, 如果單純洩慾對象應該係身體吧? 而且A還喝了淳君的血(這個書沒有寫), 感覺上係想將淳君和自己"連結"在一起.
點講都好, A殺害了淳君.
第二部份
主要係講述佢離開少年院生活至佢獨立生活於社會期間所發生既事.
向改名換姓之後佢如何躲避/害怕不知情既人發現, 官方同民間組織如何協助佢重返社會.
及後佢脫離所有官方同民間組織而獨立生活過程.
本部份多數都係講下佢被安排去邊住點搵工呀, 原來政府係無特別安排佢做咩野工作, 佢真係自己打開求職雜誌去搵工, 搵到再去見工.
雖然政府俾左個新既身份佢(唔會用返舊名)亦唔會向佢工作機構透露佢既過去.
但由於經過長時間同社會脫節, 果一段空白期應該好難自圓其說, 加上又驚俾傳媒發現所以佢對陌生人有一定既防衛心.
在保護設施以至佢獨自生活期間佢一邊面對傳媒既報導同遺族既反應(經中間人用書信溝通), 一邊思考何謂贖罪不斷反反覆覆折磨佢既精神.
同埋每當日本發生一D低齡向兇手既殺人事件時, A的事件又會再度被提起, 對此A都有講到對這類殺人案件同殺人者既感觀同埋睇法.
其中A有比較詳細的講述有關山地悠紀夫事件(*1), 雖然A口裡說不同情山地犯罪行為, 但字裡行間都有D感情投射, A和山地都係不被接納既人, 不盡相同但有相似既地方, 而山地既情況應該係比A更差.
雖然A被捕那時也有被判死刑既想法, 但山地係直頭講判佢死刑啦, 已經係自暴自棄到如斯田地. 雖然並唔會因此認為佢犯既罪係可以被人原諒, 只係如果可以的話向佢變成甘之前有無咩野方面可以幫忙一下?本書最後有寫給遺族既道歉信.
其實A真係咪真心悔改都好, 我地呢D旁觀者係無發言既權利, 永遠只有被害人可以原諒A.
*1 - 山地悠紀夫事件wiki沒有中文版, 我搵到有人曾經介紹過. (連結)
他在17歲(2000年)時殺左自己老母, 被判入少年保護院至2004年退院.
在2005年犯下大阪姉妹殺害事件於2006年被判死刑並在2009年執行.
[在大阪姉妹殺害事件中被診斷出患有亞斯伯格症候群
（英語：Asperger syndrome，簡稱AS）]
PPS: 早前曾鈺成指醫生朋友話689應該患既亞氏保加症等於亞斯伯格症候群
（英語：Asperger syndrome，簡稱AS）, 同本書無關但突然醒起.
購買連結(需登入及年滿18歲才可購買):
http://www.books.com.tw/products/0010715110
沒有留言:
張貼留言